يــأ دنيآ ليهـ.. آنــا بذآت

يا دنيا ليه خنتيني ؟؟

و أنا اللي عمره ماخانك

و لا وطّى علو شانك

و لا اذكر ابد في يوم

تماديت بعتاب ولوم

اشيل هموم .. فوق هموم

وانت ِ ما رحمتيني

ولا حتى سألتيني عن دموعي

بكيت .. وذابت شموعي

ولا همّك .. تزيديني



يا دنيا لا تلوميني

سكنت بعالمك صحرا

حبست بداخلي جمره

صبرت وقلت يا ربي

عسى عيدي يجي بكره

لقيت الفرح ناسيني

و جرح البعد كاسيني

جبرت بخاطرك

و أنت ِ

قتلتي كل ما فيني !!

وبعد هذا تلوميني ؟!

على حلمٍ ضوى داري

على نبعٍ سقاني ماه

تعب قلبي لاجل يلقاه

أسرتيني ..

وأنا ظامي ..

أشوف الماي قدامي .. ولا اطوله

ذبحتيني بلا داعي ..

وصرتي القاتل الناعي !!

و أرد اظما ..

وتقولي دربهم ظلما

وإنت ِ من طفا شمعي

خلاص أرجوووووك يكفيني

من اعذارك تعب سمعي



يا دنيا إمسحي دمعي

و إطفي القهر ..

إهدي لي البسمه شهر

و اهدي لك نجوم وقمر !

بهديك عمري

و أطلبك ..

وقتي مع الغالي يطيب

أطلبك شمسه لا تغيب

مابقى لي حب غيره

ولا أبي انسان غيره

دام روحي بلا وجوده

ميّته .. ظميا ..

!!.. فقيره


****


يا دنيا ليه خنتينا ؟؟

قتلتينا ..

جرحتينا

و أنا اللي كنت ادور بك

حضن دافي

و انا اللي كنت لك وافي

خلاص ارجووووك يكفيني ..

تعبت امسح دمع عيني

بلملم ما بقى فيني

و أفارق ديره أحبابي

و أرد للطين ..

!! لترابي